Sarvasparshi

मराठी अस्मिता आणि आम्ही... कोणे एके काळी सदैव ऐरणीवर असणारा मराठी अस्मितेचा प्रश्न आज कुठे दिसत नाही. विशेषतः स्व. शिवसेनाप्रमुख बाळासाहेब ठाकरे हयात असताना अवघा महाराष्ट्र या एका प्रश्नावर एकवटलेला आपण बघितला आहे. त्यानंतरच्या काळात मात्र हा बाणा केवळ नावापुरताच अस्तित्व राखण्यासाठी धडपडताना दिसतोय. (मुंबई महापालिका निवडणुक काळात अनेकांना तसा उमाळा येईलही कदाचित; पण लोकसभा निवडणूकीत काय?). अगदीच स्पष्ट बोलायचे तर, मराठी माणसाला ही अस्मिता काय असते हेच अद्याप समजलेले नाही, असे दिसते. त्यासाठी थोडं इतिहासात डोकावण्याची गरज आहे. आता इतिहास म्हणजे लगेच महाराजांचा इतिहास आठवण्याची गरज नाही. अगदी अलिकडचा काळ बघु या... अर्थातच वंदनीय बाळासाहेब आणि शिवसेना हे दोनच मुद्दे पुरेसे आहेत. मुंबई आणि राज्यातही आज जी काही मराठी कर्तबगारी शिल्लक आहे, तिच्या पाठीशी हे दोनच मुद्दे ठळकपणे दिसतात. त्यामुळेच आजही मराठी माणुस महाराजांनंतर बाळासाहेबांनाच मानतो. पण असे असले तरी महाराष्ट्राचे राजकारण मात्र त्यांच्या विचारांपासुन भरकटत आहे. विशेष म्हणजे असे भरकटत असतानाही हे राजकारण बाळासाहेब आणि महाराजांच्याच ...